Yakuumbwa nerudo
Ikazadzwa nechipo chokututsira,
Kuzara kusvika pakuyerera
Semisodzi yeshungu inoyerera semuto
Kutakura chikomborero chashe chedenga
Musana kukokonyara, nekushonyoroka
Vimbiso yekushinga
Pundutso yeshoko rinonyaradza
Yekukunda
Yekufunda, kukufadzai
Makatsemukira ini,
Zvairema,
Masango ari matema
Makapfugama
Mukandipira kudenga
Mukasarudza kutsemukira ini
Mukabikirwa pachoto chekundichengeta
Chekurayira
Chekuitira ini
Ndive hari semi
Imba yerudo
Musha wevanonyaradzwa
Imba yokutungamira
Chokwadi ndinokutendai nei
Nezvese zvamakandiitira?
Chero mhiri,
Muviri wenyu unotumira rudo musha wekuzorodza pfungwa
Dzakashungurudzwa pachoto chehupenyu
Kupfurikidza nekuzadzikisa makasarudza
Kutsemukira ini
Ndive musha semi
Wevanonyaradzwa
Hari yangu
Ndokunamai nei
Muve mutsva?
Dai, mhinduro yeminamato yaisvika
Makamuka kubva mukufa
Tanyaradzwa Tiffany Nyikadzino aka Efuru grew up writing poems, pursued the passion beyond the diary in 2017. Her poetry is a story of life that paints a picture of the world as she sees it. Efuru is a Page Poetry Alive Resident and has performed at various open mic events, the Miss Harare Grand 2019 finals, ZiFM’s Backstage with Tshilla, Heart and Soul’s Recharge with Rutendo Mutsamwira, Heart and Soul’s Book News with Khumbulani Muleya, ZBC’s young, Gifted and Talented and 2021 SADC rights poetry festival; to mention a few. She has recently published Fading Rainbows, a collection centered on mental health.